Question 1

فيديو في ساعة؟ كيف تكون الجودة؟

Accepted Answer

السرعة جاية من الطريقة، مو من الاستعجال. أنت تعطينا كل التفاصيل في الطلب، فما نضيع وقت في رايح جاي. والستايلات والحركات مجهزة من قبل، فوقتنا كله يروح لفيديوك. شوف العينات فوق وقرر بنفسك.

Question 2

وإذا ما عجبني شي؟

Accepted Answer

نرسل لك كل مرحلة توافق عليها: السكربت، الصوت، الستوري بورد، والمشاهد. في كل مرحلة لك تعديلين مجاناً، والتعديل الثالث بـ 15 ريال. وبعد ما يوصلك الفيديو، لك تعديل مجاني عليه خلال 30 دقيقة. تقدر تغير النص، الألوان، الصوت، أو ترتيب المشاهد. تغيير الفكرة كلها يعتبر طلب جديد.

Question 3

أقدر أطلب بالليل؟

Accepted Answer

إيه، نستلم طلبك في أي وقت. نبدأ الطلبات كل يوم من 9 الصبح لين 11 الليل. لو طلبت بعد 11 الليل، الساعة تبدأ 9 الصبح، والفيديو يوصلك قبل 10. والساعة توقف وقت ما ننتظر ردك على كل مرحلة، فوقتك ما ينحسب علينا.

Question 4

كيف أرسل الشعار وألوان البراند؟

Accepted Answer

اللون تختاره في الطلب. والشعار ترسله لنا في نفس محادثة الواتساب بعد ما ترسل الطلب. ما عندك شعار؟ ولا يهمك. نكتب اسم نشاطك بخط حلو وبلون براندك، والساعة تكمل عادي وما توقف.

Question 5

كيف أدفع؟

Accepted Answer

نص المبلغ عربون، والنص الثاني لما يوصلك الفيديو. والطريقة على كيفك: رابط دفع (مدى أو Apple Pay)، أو تحويل بنكي. نرسل لك اللي تختاره في الواتساب، وأول ما يوصلنا العربون تبدأ الساعة. وطلبك ما ينلغي إذا ما دفعت على طول. يبقى محفوظ وينتظرك لين تدفع.

Question 6

يصلح لسناب وتيك توك وريلز؟

Accepted Answer

إيه. تختار وين بتنشره في الطلب: 9:16 لسناب وتيك توك والستوري والريلز، 1:1 للبوست، 16:9 ليوتيوب والشاشات. أول مقاس مع السعر، وكل مقاس زيادة بـ 29 ريال.

Question 7

وش يصير لو تأخرتوا؟

Accepted Answer

نرجع لك العربون كامل، والفيديو لك مجاناً. يعني ما تدفع شي أبد. بدون نقاش.

اطلب فيديوك في أقل من دقيقة

ما فتح الواتساب؟